తెలంగాణ /హైదరాబాద్:
హైదరాబాద్:నిన్న జరిగిన మంత్రివర్గ సమావేశం అనంతరం ఏర్పాటు చేసిన మీడియా సమావేశంలో జరిగినట్లుగా చెబుతున్న ఒక చిన్న ఘటన.. ఇప్పుడు తెలంగాణ రాజకీయాల్లో తీవ్ర దుమారం రేపుతోంది. మంత్రి పొంగులేటి శ్రీనివాస రెడ్డిని టార్గెట్ చేస్తూ బీఆర్ఎస్ అనుకూల మీడియా చేస్తున్న ప్రచారంపై కాంగ్రెస్ శ్రేణులు, పొంగులేటి అభిమానులు తీవ్ర స్థాయిలో మండిపడుతున్నారు….
మంత్రి పొంగులేటిపై బీఆర్ఎస్ ఆరోపణలు….
అసలేం జరిగింది….?
నిన్నటి కేబినెట్ భేటీ తర్వాత జరిగిన ప్రెస్ మీట్‌లో మంత్రి వాకిటి శ్రీహరిపై మంత్రి పొంగులేటి శ్రీనివాస రెడ్డి పేపర్లు విసిరారంటూ కొన్ని బీఆర్ఎస్ అనుకూల ఛానెళ్లు, యూట్యూబర్లు సోషల్ మీడియాలో విస్తృతంగా ప్రచారం ప్రారంభించాయి. దీన్ని ఒక రాజకీయ అస్త్రంగా మలుచుకున్న గులాబీ శ్రేణులు.. “ఒక బీసీ మంత్రికి ఇంతటి అవమానమా?” అంటూ మంత్రి పొంగులేటిపై తీవ్ర విమర్శలకు దిగాయి. కావాలనే బీసీ నేతను అవమానించారంటూ సోషల్ మీడియా వేదికగా దాడికి దిగాయి.ఈ ప్రచారంపై మంత్రి పొంగులేటి అభిమానులు, కాంగ్రెస్ కార్యకర్తలు తీవ్ర ఆగ్రహం వ్యక్తం చేస్తున్నారు. మంత్రి వాకిటి శ్రీహరిని అవమానించారంటూ బీఆర్ఎస్ అనుకూల మీడియా కేవలం అబద్ధపు రాతలు రాస్తోందని వారు మండిపడుతున్నారు. వాస్తవానికి, మంత్రి పొంగులేటికి మరియు ఖమ్మం జిల్లా ఇన్‌ఛార్జ్ మంత్రికి మధ్య అత్యంత సన్నిహిత, సుహృద్భావ సంబంధాలు ఉన్నాయని, వారి మధ్య ఎలాంటి విభేదాలు లేవని వారు స్పష్టం చేస్తున్నారు. పనికట్టుకుని పొంగులేటిని టార్గెట్ చేయడమే లక్ష్యంగా ‘పింక్’ పత్రికలు, యూట్యూబర్లు ఈ దుష్ప్రచారానికి తెరలేపాయని వారు ఆరోపిస్తున్నారు…..
బీఆర్ఎస్ ‘సుద్దపూస’ వైఖరిపై కాంగ్రెస్ ఎదురుదాడి…..
ఇవి కూడా చదవండి
ఈ పరిణామాలపై కాంగ్రెస్ పార్టీ శ్రేణులు ఎదురుదాడికి దిగాయి.కాంగ్రెస్ ఆధ్వర్యంలోని ప్రజాప్రభుత్వ పాలనలో తప్పులు దొరకకపోవడంతో, బీఆర్ఎస్ నేతలు సుద్దపూసల్లా నటిస్తూ భూతద్దం పెట్టి మరీ తప్పులు వెతికే ప్రయత్నం చేస్తున్నారుని,ప్రజల్లో మంత్రి పొంగులేటి శ్రీనివాస రెడ్డికి రోజురోజుకూ పెరుగుతున్న ఆదరణను చూసి ఓర్వలేకనే కడుపుమంటతో బీఆర్ఎస్ ఇలాంటి తప్పుడు ప్రచారాలకు దిగుతోందని,గత పదేళ్ల బీఆర్ఎస్ పాలనలో జరిగిన అక్రమాలను, అవినీతిని మంత్రి పొంగులేటి నిర్భయంగా ఎండగడుతున్నారు. దాన్ని తట్టుకోలేకనే ఆయనపై ఉద్దేశపూర్వకంగా కక్ష సాధింపు చర్యలకు పాల్పడుతున్నారని తీవ్ర స్థాయిలో ఆగ్రహం వ్యక్తం చేస్తున్నారు….
రాజకీయ ముఖచిత్రం మారినా
.. మారనంటున్న బి.ఆర్.ఎస్ బుద్ధి….
ఈ వివాదం నేపథ్యంలో మంత్రి పొంగులేటి అభిమానులు బీఆర్ఎస్ పార్టీకి గట్టి హెచ్చరికలు జారీ చేస్తున్నారు. గత ఎన్నికలకు ముందు ఒకసారి పొంగులేటి శ్రీనివాస రెడ్డితో పెట్టుకుని బీఆర్ఎస్ పార్టీ ఏకంగా అధికారానికే దూరమైందని వారు గుర్తు చేస్తున్నారు. తగిన శాస్తి జరిగినప్పటికీ ఆ పార్టీ నేతలకు ఇంకా బుద్ధి రాలేదని, మళ్లీ అదే తప్పు చేస్తూ ఉనికిని కోల్పోయే స్థాయికి దిగజారుతున్నారని ఆగ్రహం వ్యక్తం చేస్తున్నారు.రాజకీయాల్లో చిన్న విషయాలను సైతం వక్రీకరించి పబ్బం గడుపుకునే ప్రయత్నంలో భాగంగానే ఈ ‘పేపర్లు విసిరిన’ వివాదాన్ని సృష్టించారని కాంగ్రెస్ శ్రేణులు బలంగా వాదిస్తున్నాయి. అభివృద్ధి, సంక్షేమంతో ముందుకు వెళ్తున్న మంత్రుల మధ్య చిచ్చుపెట్టే ఈ కుట్రలను ప్రజలు గమనిస్తున్నారని వారు స్పష్టం చేస్తున్నారు….
ఇవి కూడా చదవండి
పత్తి శ్రీనివాస్,జనం ముచ్చట న్యూస్, ఖమ్మం:9703973456
