తెలంగాణ /ఖమ్మం జిల్లా :
వైరా, (రిపోర్టర్ సత్తేనపల్లి శివ ):ఖమ్మం జిల్లా వైరా మున్సిపాలిటీ పరిధిలోని 9వ వార్డు రాజశేఖర్ నగర్‌కు చెందిన పసుపులేటి సురేష్ ఇటీవల జరిగిన రోడ్డు ప్రమాదంలో గాయపడి చికిత్స పొందుతున్నాడు. ఈ విషయం తెలుసుకున్న స్థానిక బీఆర్ఎస్ పార్టీ నాయకులు మనిషా లక్ష్మి, మదన్‌లాల్ తదితరులు సురేష్ నివాసానికి వెళ్లి ఆయనను పరామర్శించారు….
ఈ సందర్భంగా బాధితుడి ఆరోగ్య పరిస్థితిని, అందుతున్న వైద్య సేవలను కుటుంబ సభ్యులను అడిగి తెలుసుకున్నారు. ప్రమాదం జరిగిన తీరుపై ఆరా తీశారు. అనంతరం కుటుంబ సభ్యులతో మాట్లాడుతూ.. ఈ కష్టకాలంలో మనోధైర్యం కోల్పోవద్దని, సురేష్ త్వరగా కోలుకుంటారని వారికి ధైర్యం చెప్పారు. ఆ కుటుంబానికి బీఆర్ఎస్ పార్టీ ఎల్లప్పుడూ అండగా ఉంటుందని, వైద్యపరంగా గానీ, మరే ఇతర సాయం కావాలన్నా తమ వంతు సహాయ సహకారాలు అందిస్తామని వారు భరోసా ఇచ్చారు…..
ఈ కార్యక్రమంలో బీఆర్ఎస్ నాయకులతో పాటు 8వ వార్డు కౌన్సిలర్ చిన్న కోటయ్య, పార్టీ ముఖ్య నాయకులు దేవరాజు, పాముల వెంకటేశ్వర్లు, విలసాగరం నరేష్, కర్నాటి భద్రయ్య మరియు పలువురు బీఆర్ఎస్ పార్టీ నాయకులు, కార్యకర్తలు తదితరులు పాల్గొన్నారు…..
పత్తి శ్రీనివాస్, జనం ముచ్చట న్యూస్, హైదరాబాద్ :9703973457
ఇవి కూడా చదవండి
